എറണാകുളം : ശബരിമലയില്‍ പ്രവേശിക്കാന്‍ ശ്രമിച്ച ആക്ടിവിസ്റ്റ് രഹന ഫാത്തിമയെ ജോലിയില്‍ നിന്നും പിരിച്ച് വിടണമെന്ന് ആവശ്യപ്പെട്ട് ബിഎസ്എന്‍ എല്ലിന് ഭീഷണി. കമ്പനിയുടെ ഹെല്‍പ് ഡെസ്‌ക്കിന്റെ പേജിലാണ് ഏഴായിരത്തിലധികം കമന്റുകളിലായി പുറത്താക്കണമെന്ന ആവശ്യം ഉയര്‍ന്നിരിക്കുന്നത്.
അയ്യപ്പനെ അധിക്ഷേപിക്കുകയും ശബരിമലയെ കലാപഭൂമിയാക്കുകയും ചെയ്യാന്‍ ശ്രമിച്ചതിന് ടെര്‍മിനേറ്റ് ചെയ്യണമെന്നുമാണ് വ്യാപകമായി ആവശ്യം ഉയര്‍ന്നിരിക്കുന്നത്.
മാധ്യമ പ്രവര്‍ത്തകയായ കവിതയ്‌ക്കൊപ്പമാണ് ഇരുമുടിക്കെട്ടുമായി രഹന മല കയറാന്‍ എത്തിയത്. രഹന മലകയറാന്‍ തുടങ്ങിയെന്ന് റിപ്പോര്‍ട്ട് വന്നതിന് പിന്നാലെ അവരുടെ പനമ്പിള്ളി നഗറിലെ വീട് അക്രമികള്‍ തകര്‍ത്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ