ആലപ്പുഴ:ഹര്‍ത്താല്‍ ദിനത്തില്‍ കാറില്‍ യാത്രം ചെയ്യാന്‍ ഒരുങ്ങിയ വനംമന്ത്രി കെ രാജുവിനെ കോണ്‍ഗ്രസ് പ്രവര്‍ത്തകര്‍ തടഞ്ഞു. കായംകുളത്ത് വെച്ചായിരുന്നു സംഭവം. തുടര്‍ന്ന് വിവാഹ വീട്ടിലേക്ക് മന്ത്രി ബൈക്കില്‍ യാത്ര ചെയ്തു. ഇന്ധനവില വര്‍ധനയില്‍ പ്രതിഷേധിച്ച് കേരളത്തില്‍ യുഡിഎഫിനൊപ്പം എല്‍ഡിഎഫും ഹര്‍ത്താലിന് ആഹ്വാനം ചെയ്തിട്ടുണ്ട്.
നേരത്തെ വനിതാ കമ്മീഷന്‍ അംഗം ഷാഹിദ കമാലിനെ കോണ്‍ഗ്രസ് പ്രവര്‍ത്തകര്‍ ആക്രമിച്ചിരുന്നു. ഔദ്യോഗിക കാറില്‍ യാത്ര ചെയ്ത ഷാഹിദ കമാലിനെ തടഞ്ഞുനിര്‍ത്തി കയ്യേറ്റം ചെയ്തുവെന്നാണ് പരാതി. കൊല്ലം പത്തനാപുരം തലവൂരിലാണ് സംഭവം. ഷാഹിദ കമാലിന്റെ വാഹനത്തിന്റെ ചില്ല് പ്രവര്‍ത്തകര്‍ അടിച്ചു തകര്‍ത്തു. തന്നെയും ഡ്രൈവറെയുംകോണ്‍ഗ്രസ് പ്രവര്‍ത്തകര്‍ മര്‍ദിക്കുകയും അസഭ്യം പറയുകയും ചെയ്തതായി ഷാഹിദ കമാല്‍ ആരോപിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ