കൊച്ചി: 'കളക്ടര് ബ്രോ' എന്ന പേരിൽ അറിയപ്പെടുന്ന ഐഎഎസ് ഉദ്യോഗസ്ഥന് പ്രശാന്ത് നായര്ക്ക് അപൂർവരോഗം. കൊച്ചിയിലെ അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ആൻഡ് റിസർച്ച് സെന്ററിൽ ചികിത്സയിലാണ് ഇപ്പോൾ അദ്ദേഹം. പ്രശാന്ത് നായർ തന്നെയാണ് രോഗവിവരം പുറത്തുവിട്ടത്.
തന്റെ ഔദ്യോഗിക ഇൻസ്റ്റഗ്രാം പേജിൽ പങ്കുവച്ച ഹോസ്പിറ്റലിൽ നിന്നുള്ള ചിത്രത്തിനൊപ്പമാണ് രോഗവിവരങ്ങളും വെളിപ്പെടുത്തിയത്. അക്യൂട്ട് സെന്സറി ന്യൂറല് ഹിയറിങ് ലോസ് എന്ന അപൂര്വ രോഗമാണ് തനിക്കെന്ന് അദ്ദേഹം കുറിപ്പിൽ പറയുന്നു. ആശങ്കപ്പെടേണ്ടതില്ലെന്നും ചികിത്സ പുരോഗമിക്കുകയാണെന്ന് അദ്ദേഹം കുറിച്ചു. ജീവിതം എല്ലാ ദിവസവും എന്തെങ്കിലും പുതുമ സമ്മാനിക്കുമെന്നും മനുഷ്യനാണെന്ന് സ്വയം തിരിച്ചറിയുന്നതിങ്ങനെയാണെന്നും പ്രശാന്ത് നായർ പറയുന്നു.
എംആര്ഐ സ്കാനിങ് ഉൾപ്പെടെ നിരവധി പരിശോധനകൾ പൂർത്തീകരിച്ചെന്നും മരുന്നുകളോടു നന്നായി പ്രതികരിക്കുന്നുണ്ടെന്നും അദ്ദേഹം പറഞ്ഞു. ആശുപത്രിയിൽ നിന്ന് മകൾ പകർത്തിയ തന്റെ ചിത്രമാണ് അദ്ദേഹം പങ്കുവച്ചിട്ടുള്ളത്. മകളെടുത്ത ചിത്രങ്ങൾ കാണുമ്പോഴുള്ള സന്തോഷവും കുറിപ്പിൽ പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ