കോഴിക്കോട്: റോഡിലെ വെള്ളം നിറഞ്ഞ കുഴിയില്‍ വീണ സ്കൂട്ടർ യാത്രിക ലോറി കയറി മരിച്ച സംഭവത്തിൽ പൊതുമരാമത്ത് എക്‌സിക്യുട്ടീവ് അസിസ്റ്റന്റ് എന്‍ജിനിയർ അറസ്റ്റിലായി. ബിനോയ് കുമാറിനെയാണ് സംഭവത്തിൽ മെഡിക്കല്‍ കോളേജ് പൊലീസ് അറസ്റ്റ് ചെയ്തത്. ഐ പി സി 279, 204 എന്നീ വകുപ്പുകൾ പ്രകാരമാണ് എന്‍ജിനിയർ അറസ്റ്റിലായിരിക്കുന്നത്.
ചൊവ്വാഴ്ച വൈകുന്നേരം മെഡിക്കല്‍ കോളേജ് റോഡില്‍ വച്ചായിരുന്നു അപകടം. റോഡിലെ വെള്ളം നിറഞ്ഞ കുഴിയില്‍ സ്കൂട്ടർ ചാടിയതും യുവതി തെറിച്ചുവീണു. പിന്നാലെ വന്ന ലോറി ഇവരുടെമേൽ കയറിയിറങ്ങി. സംഭവസ്ഥലത്തുതന്നെ മരണം സംഭവിച്ചിരുന്നു.
യുവതിക്കൊപ്പമുണ്ടായിരുന്ന മകൾക്കും സാരമായി പരിക്കേറ്റിരുന്നു. നാട്ടുകാര്‍ വലിയ പ്രതിഷേധവുമായി രംഗത്തെത്തിയതോടെയാണ് എൻജിനിയറിന്റെ അറസ്റ്റിലേക്ക് കടന്നത്. ശേഷം ഇയാളെ ജാമ്യത്തില്‍ വിട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ