കൊച്ചി: സംസ്ഥാനത്ത് ശമനമില്ലാതെ തുടരുന്ന മഴ റെയില്‍വേ ഗതാഗതത്തേയും സാരമായി ബാധിക്കുന്നു. ട്രാക്കില്‍ മരം വീണും, വെള്ളം കയറിയുമാണ് ട്രെയിന്‍ ഗതാഗതം സംസ്ഥാനത്തിന്റെ മിക്കയിടങ്ങളിലും തടസപ്പെടുന്നത്.
രണ്ട് പാസഞ്ചര്‍ ട്രെയ്‌നുകള്‍ റദ്ദാക്കിയിട്ടുണ്ട്. ആലപ്പുഴ-എറണാകുളം പാസഞ്ചര്‍ ട്രെയ്‌നുകള്‍ ഇന്ന് സര്‍വീസ് നടത്തില്ല. പട്ടാമ്പി റെയില്‍വേ ട്രാക്കില്‍ മരം വീണത് ട്രെയിന്‍ ഗതാഗതത്തെ ബാധിച്ചു. അന്ത്യോദയാ എക്‌സ്പ്രസും ടിവാന്‍ട്രം എക്‌സ്പ്രസും വൈകിയാണ് ഓടുന്നത്.
ചേര്‍ത്തലയ്ക്ക് സമീപം മരം വീണ് വൈദ്യുതി ലൈന്‍ തകരാറിലായി. ഇതേ തുടര്‍ന്ന് ആലപ്പുഴ-എറണാകുളം സെക്ഷനിലെ ട്രെയ്‌നുകള്‍ വൈകുന്നു. ഗുരുവായൂര്‍, മാവേലി, ധര്‍ബാദ്, രാജധാനിഎക്‌സ്പ്രസുകളും വൈകിയാണ് സര്‍വീസ് നടത്തുന്നത്. ഗുരുവായൂര്‍ തിരുവനന്തപുരം ഇന്റര്‍സിറ്റി, ബാംഗ്ലൂര്‍ കൊച്ചുവേളി എക്സ്പ്രസ് എന്നീ ട്രെയ്‌നുകള്‍ കോട്ടയം വഴി തിരിച്ചുവിടും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ