ന്യൂഡൽഹി: ഡൽഹിയില് സംസ്ഥാന സര്ക്കാരിന്റെ പ്രത്യേക പ്രതിനിധിയായി ഡോ എ സമ്പത്ത് ഇന്ന് ചുമതല ഏൽക്കും. കേരള ഹൗസിൽ രാവിലെ 10.30നാണ് ചടങ്ങുകൾ. ഇതിനുശേഷം കേരളത്തിലെ പ്രളയ ദുരിത ബാധിതരെ സഹായിക്കാനായി കേരള ഹൗസിൽ ആരംഭിക്കുന്ന കളക്ഷൻ സെന്ററിനും സമ്പത്ത് തുടക്കം കുറിക്കും.
ഡൽഹിയിലെ മലയാളി സംഘടനകളുടെ യോഗവും ഇന്ന് വിളിച്ചുചേർത്തിട്ടുണ്ട്. റസിഡന്റ് കമ്മീഷണർ പുനീത് കുമാർ അടക്കമുള്ള മുതിർന്ന ഉദ്യോഗസ്ഥർ യോഗത്തിൽ പങ്കെടുക്കും.
സംസ്ഥാന വികസനത്തിനായുള്ള കേന്ദ്രാവിഷ്കൃത പദ്ധതികളും സഹായവും പരമാവധി നേടിയെടുക്കാനും, കേന്ദ്ര- സംസ്ഥാന ബന്ധം ദൃഢമാക്കാനുമാണ് ക്യാബിനറ്റ് റാങ്കോടെ പ്രത്യേക ലെയ്സൺ ഓഫീസറായി സമ്പത്തിനെ നിയമിക്കാൻ സംസ്ഥാന സർക്കാർ തീരുമാനം എടുത്തത്. അതേസമയം സംസ്ഥാനം സാമ്പത്തിക പ്രതിസന്ധി നേരിടുമ്പോള് ക്യാബിനറ്റ് റാങ്കോടെയുള്ള സമ്പത്തിന്റെ നിയമനം വലിയ രാഷ്ട്രീയ വിവാദങ്ങൾക്ക് വഴിവച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ