തിരുവനന്തപുരം : അഭിപ്രായസ്വാതന്ത്ര്യത്തിന്റെ വായ മൂടിക്കെട്ടാനാണ് പിണറായി വിജയന്‍ ശ്രമിക്കുന്നതെന്ന് മുതിര്‍ന്ന കോണ്‍ഗ്രസ് നേതാവ് ഉമ്മന്‍ചാണ്ടി കുറ്റപ്പെടുത്തി. മുല്ലപ്പള്ളിയെ പ്രോസിക്യൂട്ട് ചെയ്ത് കോണ്‍ഗ്രസിനെ നിശബ്ദനാക്കാമെന്ന് കരുതേണ്ട. നരേന്ദ്രമോദിയെപ്പോലെ തെറ്റായ വഴിയിലൂടെയാണ് പിണറായി വിജയനും പോകുന്നതെന്നും ഉമ്മന്‍ചാണ്ടി പറഞ്ഞു.
ഡിജിപി ലോക്‌നാഥ് ബെഹ്‌റ സിപിഎം ബ്രാഞ്ച് സെക്രട്ടറിയെപ്പോലെ പെരുമാറുന്നു എന്ന വിമര്‍ശനത്തിന്റെ പേരില്‍ കെപിസിസി പ്രസിഡന്റ് മുല്ലപ്പള്ളി രാമചന്ദ്രനെതിരെ പ്രോസിക്യൂഷന്‍ നടപടി എടുക്കാന്‍ ഡിജിപിക്ക് സര്‍ക്കാര്‍ അനുമതി നല്‍കിയിരുന്നു. ഇതിനെ വിമര്‍ശിച്ചാണ് ഉമ്മന്‍ചാണ്ടി രംഗത്തെത്തിയത്.
മുല്ലപ്പള്ളിയെ പ്രോസിക്യൂട്ട് ചെയ്യാന്‍ അനുമതി നല്‍കിയ സര്‍ക്കാര്‍ നടപടിയെ കെ മുരളീധരന്‍ എംപിയും വിമര്‍ശിച്ചു. ഡിജിപിക്കെതിരെ മുല്ലപ്പള്ളി പറഞ്ഞത് നൂറുശതമാനം ശരിയാണ്. ബെഹ്‌റയ്ക്ക് നാണമുണ്ടെങ്കിലല്ലേ മാനം പോകുകയുള്ളൂവെന്നും മുരളീധരന്‍ ചോദിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ