തിരുവനന്തപുരം: സംസ്ഥാനത്തെ ഹോട്ടലുകളില്‍ നിശ്ചിത ഇടവേളകളില്‍ പരിശോധന നടത്തണമെന്ന് ജില്ലാ കലക്ടര്‍മാര്‍ക്ക് മുഖ്യമന്ത്രി പിണറായി വിജയന്റെ നിര്‍ദേശം. തട്ടുകടകള്‍ മുതല്‍ ഹോട്ടലുകളില്‍ വരെ കൃത്യമായ ഇടവേളകളില്‍ പരിശോധന നടത്തണമെന്ന് ജില്ലാ കലക്ടര്‍മാരുടെയും വകുപ്പ് മേധാവികളുടെയും യോഗത്തില്‍ മുഖ്യമന്ത്രി നിര്‍ദേശം നല്‍കി.
മത്സ്യം, ഇറച്ചി, പച്ചക്കറി, എണ്ണ എന്നിവ പ്രത്യേക പരിശോധന നടത്തണമെന്നും മുഖ്യമന്ത്രി നിര്‍ദേശം നല്‍കി. ജനുവരി ഒന്നുമുതതല്‍ പ്ലാസ്റ്റിക് നിരോധനം പൂര്‍ണ അര്‍ത്ഥത്തില്‍ നടപ്പാക്കാനുള്ള നടപടികള്‍ സ്വീകരിക്കാനും യോഗത്തില്‍ തീരൂമാനമായി.
ജനുവരി 25മുതല്‍ പഞ്ചായത്ത് തലംമുതല്‍ മാലിന്യ നിര്‍മാജ്ജന പരിപാടികള്‍ നടപ്പാക്കും. സഹകരണ വകുപ്പ് നടപ്പാക്കുന്ന കെയര്‍ കേരള പദ്ധതിയുടെ ഭാഗമായി 2000 വീടുകളുടെ നിര്‍മ്മാണം ഈ മാസം തന്നെ പൂര്‍ത്തിയാക്കാനും യോഗത്തില്‍ തീരുമാനമായി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ