തിരുവനന്തപുരം: ഈ മാസത്തെ സാമൂഹിക സുരക്ഷാ, ക്ഷേമ പെൻഷനുകൾ ലഭിക്കേണ്ടവർക്ക് ബയോമെട്രിക് മസ്റ്ററിങ് ചെയ്യാൻ അവസരം ഇന്നും നാളെയും കൂടി മാത്രം. ഈ മാസം 16 മുതൽ 22 വരെ മസ്റ്ററിങ് ചെയ്യാനാകില്ല. ഡിസംബർ 23 മുതൽ 31 വരെ വീണ്ടും മസ്റ്ററിങ് സൗകര്യം ലഭിക്കുമെങ്കിലും ആ ദിവസങ്ങളിൽ മസ്റ്റർ ചെയ്താൽ ഈ മാസം പെൻഷൻ ലഭിക്കില്ല. 

57.64 ലക്ഷം ഗുണഭോക്താക്കളിൽ 46.60 ലക്ഷം പേരാണ് ഇതിനോടകം മസ്റ്ററിങ് പൂർത്തിയാക്കിയത്. 80.84% പേർ ബയോമെട്രിക് മസ്റ്ററിങ് ചെയ്തിട്ടുണ്ട്. 11.04 ലക്ഷം പേരാണ് ഇനി ബാക്കിയുള്ളത്. 

അ‍ഞ്ച് വയസ്സിന് താഴെ പ്രായമുള്ള പെൻഷൻ ​ഗുണഭോക്താക്കൾ ബയോമെട്രിക് മസ്റ്ററിങ് ചെയ്യേണ്ടതില്ല. പകരം ഇവർ തദ്ദേശസ്ഥാപന സെക്രട്ടറിക്ക് അപേക്ഷ നൽകണം.