കൊച്ചി: നെടുമ്പാശേരി വിമാനത്താവളത്തില്‍ നിന്നും ഡല്‍ഹിയിലേക്കുള്ള വിമാനം റദ്ദാക്കിയതിന് പിന്നാലെ യാത്രക്കാരുടെ പ്രതിഷേധം. ജെറ്റ് എയര്‍വെയ്‌സിന്റെ വിമാനമാണ് റദ്ദാക്കിയത്. സുരക്ഷാ പരിശോധനകളെല്ലാം കഴിഞ്ഞതിന് ശേഷമാണ് വിമാനം റദ്ദാക്കിയ വിവരം യാത്രക്കാരെ അറിയിച്ചത്.
7.20ന് പുറപ്പെടേണ്ടിയിരുന്ന വിമാനമാണ് റദ്ദാക്കിയത്. ഇതോടെ വിമാനത്താവളത്തില്‍ നിരവധി യാത്രക്കാര്‍ കുടുങ്ങി. യന്ത്രത്തകരാറിനെ തുടര്‍ന്നാണ് വിമാനം റദ്ദാക്കിയത് എന്നാണ് വിമാന കമ്പനി യാത്രക്കാരെ അറിയിച്ചത്. എന്നാല്‍ പെട്ടെന്ന് വിമാനം റദ്ദാക്കാനുള്ള തീരുമാനത്തിനെതിരെ യാത്രക്കാര്‍ വിമാനത്താവളത്തില്‍ പ്രതിഷേധം ആരംഭിച്ചു. യന്ത്രത്തകരാറല്ല പ്രശ്‌നം, മറിച്ച്, യാത്രക്കാരുടെ എണ്ണത്തിലെ കുറവിനെ തുടര്‍ന്നാണ് വിമാനം റദ്ദാക്കിയത് എന്നാണ് യാത്രക്കാര്‍ ആരോപിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ