കൊല്ലം : സിപിഐ കൊല്ലം ജില്ലാ സെക്രട്ടറി എന്‍ അനിരുദ്ധനെ നീക്കാന്‍ സംസ്ഥാന നിര്‍വാഹക സമിതിയില്‍ വീണ്ടും തീരുമാനം. അനിരുദ്ധനെ നീക്കി മുല്ലക്കര രത്‌നാകരന് താത്കാലിക ചുമതല നല്‍കാന്‍ നിര്‍വാഹക സമിതി തീരുമാനിച്ചു. പുതിയ സെക്രട്ടറിയെ ജില്ലാ കൗണ്‍സില്‍ യോഗം തീരുമാനിക്കും.
അനിരുദ്ധനെ നീക്കാന്‍ നേരത്തെ സംസ്ഥാന നേതൃത്വം തീരുമാനിച്ചിരുന്നെങ്കിലും ജില്ലാ നേതൃത്വം തള്ളുകയായിരുന്നു.
എന്‍ അനിരുദ്ധന് പകരം ആര്‍ രാജേന്ദ്രനെ പുതിയ ജില്ലാ സെക്രട്ടറിയായി നിയമിക്കാനാണ് അന്നു സിപിഐ സംസ്ഥാന എക്‌സിക്യൂട്ടീവ് തീരുമാനിച്ചത്. കഴിഞ്ഞ സിപിഐ സംസ്ഥാന സമ്മേളനത്തില്‍ സെക്രട്ടറി സ്ഥാനത്ത് 80 വയസ് പിന്നിട്ടവര്‍ തുടരേണ്ടതില്ല എന്ന തീരുമാനം കൈക്കൊണ്ടിരുന്നു. ഇതിന്റെ അടിസ്ഥാനത്തിലാണ് മാറ്റത്തിന് നിര്‍ദേശിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ