കോഴിക്കോട്: മെട്രൊ ട്രെയിനില്‍ കയറിയ കുമ്മനത്തിന്റെ അനുഭവം ആവര്‍ത്തിക്കേണ്ടെന്നു കരുതിയാണ് പ്രധാനമന്ത്രി പങ്കെടുത്ത കൊല്ലം ബൈപാസ് ഉദ്ഘാടനത്തില്‍ പങ്കെടുക്കാതിരുന്നതെന്ന് ബിജെപി സംസ്ഥാന അധ്യക്ഷന്‍ പിഎസ് ശ്രീധരന്‍ പിള്ള. വാര്‍ത്തയാകേണ്ടല്ലോ എന്നു കരുതിയാണ് പരിപാടി ഒഴിവാക്കിയതെന്ന് ശ്രീധരന്‍ പിള്ള പറഞ്ഞു.
പണ്ട് കുമ്മനം ട്രെയിനില്‍ കയറിയത് വലിയ വാര്‍ത്തയായി. ആ അനുഭവം ആവര്‍ത്തിക്കേണ്ടെന്നു കരുതിയാണ് ബൈപാസ് ഉദ്ഘാടനത്തില്‍ പങ്കെടുക്കാതിരുന്നത്. ഔദ്യോഗികമായി താന്‍ ആരുമല്ല. ആ നിലയ്ക്ക് ആരെങ്കിലും വാര്‍ത്തയാക്കണ്ടല്ലോയെന്നു കരുതിയെന്ന് ബിജെപി സംസ്ഥാന അധ്യക്ഷന്‍ പറഞ്ഞു.
കൊച്ചി മെട്രോയുടെ ഉദ്ഘാടന യാത്രയില്‍ അന്നു ബിജെപി അധ്യക്ഷനായിരുന്ന കുമ്മനം രാജശേഖരന്‍ പ്ര്ധാനമന്ത്രിക്കൊപ്പം പങ്കെടുത്തത് വിവാദമായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ