തിരുവനന്തപുരം: ഭീകരവിരുദ്ധസേന മേധാവിയായി എസ്‌ പി ചൈത്ര തെരേസ ജോണിനെ നിയമിച്ചു. 2015 ബാച്ച്‌ ഐപിഎസ് ഉദ്യോഗസ്ഥയാണ്. ഭീകരവിരുദ്ധ സേനയുടെ മേധാവിയാകുന്ന സംസ്ഥാനത്തെ ആദ്യ വനിതയാണ് ചൈത്ര തെരേസ ജോൺ.
നിലവിൽ വനിതാ ബറ്റാലിയന്റെ ചുമതലയിലായിരുന്നു ചൈത്ര. പൊലീസ് സ്റ്റേഷന് കല്ലെറിഞ്ഞ പ്രതികളെ കണ്ടെത്താൻ സിപിഎം തിരുവനന്തപുരം ജില്ലാ കമ്മിറ്റി ഓഫീസിൽ റെയ്ഡ് നടത്തി വിവാദത്തിലായ ഉദ്യോഗസ്ഥയാണ് ചൈത്ര. സംഭവത്തിൽ മുഖ്യമന്ത്രി ചൈത്രയെ പരസ്യമായി വിമർശിച്ചിരുന്നു. ഇതിന് പിന്നാലെ വനിതാ സെല്ലിലേക്ക് മാറ്റുകയും ചെയ്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ