ആലുപ്പുഴ: വീട്ടമ്മയെ പീഡിപ്പിച്ച് ദൃശ്യങ്ങള്‍ സമൂഹമാധ്യമങ്ങള്‍ വഴി പ്രചരിപ്പിക്കുമെന്ന് ഭീഷണിപ്പെടുത്തിയ ആലപ്പുഴ സ്വദേശിയെ മലമ്പുഴ പൊലീസ് അറസ്റ്റ് ചെയ്തു. ചേര്‍ത്തല തുറവൂര്‍ തിരുമല ഭാഗം സ്വദേശി വിഷ്ണു ശ്രീകുമാര്‍ ആണ് ഗുരുവായൂരില്‍ നിന്ന് പിടിയിലായത്.
ഇയാള്‍ ഒട്ടേറെ സ്ത്രീകളെ ഇത്തരത്തില്‍ പീഡിപ്പിച്ചതായി വിവരം ലഭിച്ചിട്ടുണ്ട് പൊലീസ് പറഞ്ഞു. ഫെയ്‌സ്ബുക്ക് വഴി പരിചയപ്പെടുന്ന സ്ത്രീകളുമായി സൗഹൃദം സ്ഥാപിച്ചാണ് പീഡനം. പിന്നീട് ഇവരെ ഹോട്ടലുകളില്‍ എത്തിച്ച് പകര്‍ത്തുന്ന ദൃശ്യങ്ങള്‍ ദൃശ്യങ്ങള്‍ കാണിച്ച് സ്ത്രീകളില്‍ നിന്ന് പണവും സ്വര്‍ണവും കൈക്കലാക്കും. കേരളത്തിന് അകത്തും പുറത്തുമുള്ള ആഡംബര ഹോട്ടലുകള്‍ കേന്ദ്രീകരിച്ചാണ് ഇടപാടെന്നും പൊലീസ് പറയുന്നു.
ആദ്യഘട്ടത്തില്‍ സ്ത്രീകള്‍ പരാതി നല്‍കാന്‍ തയാറായില്ല. മലമ്പുഴ സ്‌റ്റേഷനിലും പാലക്കാട് സൗത്ത് പൊലീസ് സ്‌റ്റേഷനിലും ഇയാള്‍ക്കെതിരെ കേസുകളുണ്ട്. സംസ്ഥാനത്തെ വിവിധ സ്‌റ്റേഷനുകളിലായി മോഷണം അടക്കം 15 കേസുകളിലും പ്രതിയാണ്.ഗുരുവായൂരിലെ ഒരു ലോഡ്ജില്‍ താമസിക്കുകയായിരുന്ന പ്രതിയെ തൃശൂര്‍ പൊലീസാണ് തിരിച്ചറിഞ്ഞത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ