തിരുവനന്തപുരം: തിരുവനന്തപുരത്ത് വൈദ്യുതാഘാതമേറ്റ് രണ്ട് വഴിയാത്രക്കാര് മരിച്ചു. പേട്ട പുളിനെയിലില് ഇന്ന് രാവിലെയായിരുന്നു അപകടം. പേട്ട സ്വദേശികളായ രാധാകൃഷ്ണന്, പ്രസന്നകുമാരി എന്നിവരാണ് മരിച്ചത്.
വെള്ളം കെട്ടി നിന്ന സ്ഥലത്തേക്ക് വൈദ്യുതി ലൈന് പൊട്ടി വീണതാണ് അപടത്തിന് കാരണമെന്നാണ് പ്രാഥമിക നിഗമനം. പത്ര വിതരണം നടത്തിയ കുട്ടിയാണ് രണ്ടു പേര് ഷോക്കേറ്റ് കിടക്കുന്നത് കണ്ടത്. തുടര്ന്ന് നാട്ടുകാർ ഷോക്കേറ്റ രണ്ടു പേരേയും ആശുപത്രിയിലെത്തിച്ചെങ്കിലും അപ്പോഴേക്കും മരിച്ചിരുന്നു.
കഴിഞ്ഞ ദിവസം പെയ്ത ശക്തമായ മഴയില് വിവിധയിടങ്ങള് വെള്ളക്കെട്ടുകള് രൂപപ്പെട്ടിട്ടുണ്ട്. കാലവർഷം ശക്തമായതോടെ വൈദ്യുതോപകരണങ്ങൾ പ്രവർത്തിപ്പിക്കുമ്പോൾ ജാഗ്രത പാലിക്കണമെന്ന് ഇലക്ട്രിസിറ്റി ബോർഡ് മുന്നറിയിപ്പ് നൽകിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ