കോഴിക്കോട് : കല്ലട ബസ്സില്‍ യാത്രക്കാരെ മര്‍ദിച്ചത് ഏറെ വിവാദമായിരുന്നു. ഇപ്പോള്‍ കല്ലട ബസില്‍ വെച്ച് യാത്രക്കാരിയെ പീഡിപ്പിക്കാന്‍ ശ്രമം നടന്നെന്ന് പരാതി ഉയര്‍ന്നു. കണ്ണൂരില്‍ നിന്ന് കൊല്ലത്തേക്ക് പോയ തമിഴ്‌നാട്ടുകാരിയെയാണ് പീഡിപ്പിക്കാന്‍ ശ്രമിച്ചത്. സംഭവത്തില്‍ ബസ് ഡ്രൈവര്‍ പൊലീസ് പിടിയിലായി.
ബസ് കോഴിക്കോട് എത്തിയപ്പോഴാണ് തമിഴ്‌നാട്ടുകാരിയായ യുവതിക്ക് നേരെ പീഡനശ്രമം ഉണ്ടായത്. പുലര്‍ച്ചെ രണ്ട് മണിയോടെയായിരുന്നു സംഭവം. സഹയാത്രികരാണ് പ്രതിയെ തടഞ്ഞുവെച്ച് പൊലീസിനെ ഏല്‍പ്പിച്ചത്. ബസ് മലപ്പുറം തേഞ്ഞിപ്പലം പൊലീസ് കസ്റ്റഡിയിലെടുത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ