തിരുവനന്തപുരം: അന്തരിച്ച ഭാര്യ സുനന്ദാ പുഷ്‌കറിനെക്കുറിച്ച് അവരുടെ പിറന്നാള്‍ ദിനത്തില്‍ ഓർമിച്ച് കോണ്‍ഗ്രസ് എം പി ശശി തരൂര്‍. സുഹൃത്ത് നൽകിയ ലില്ലി പൂക്കൾ സുനന്ദയുടെ ചിത്രത്തിനു മുന്നിൽ സമർപ്പിച്ചുകൊണ്ടുള്ള ഫോട്ടോ തരൂർ ഫേസ്ബുക്കിൽ പങ്കുവെച്ചു. 

"അന്തരിച്ച എന്റെ ഭാര്യ സുന്ദയെ ഓർമ്മിക്കുന്നു. ജമ്മു കശ്മീരിലെ സോപോറില്‍ 56 വർഷങ്ങൾക്ക് മുമ്പ് ഈ ദിവസമാണ് അവള്‍ ജനിച്ചത്. ലില്ലികളായിരുന്നു അവള്‍ക്ക് ഏറ്റവും പ്രിയപ്പെട്ട പൂക്കൾ", ചിത്രം പങ്കുവച്ചുകൊണ്ട് തരൂർ കുറിച്ചു. 

1962ലാണ് സുനന്ദ പുഷ്കർ ജനിച്ചത്. 2010 ഓഗസ്റ്റ് 12നാണ് തരൂർ സുനന്ദയെ വിവാഹം ചെയ്തത്. യുഎൻ അണ്ടർ ജനറൽ സെക്രട്ടറിയായി പ്രവർത്തിക്കുകയായിരുന്നു സുനന്ദ അപ്പോൾ. 2014 ജനുവരി 17നാണ് ഡൽഹി ലീല ഹോട്ടലിൽ സുനന്ദയെ മരിച്ച നിലയിൽ കണ്ടെത്തിയത്.