കാസര്‍കോട്; ഒരുമിച്ചിരുന്ന് മദ്യപിക്കുന്നതിനിടെ മകന്‍ അച്ഛനെ തലയ്ക്കടിച്ചു കൊന്നു. കാസര്‍കോട് ചിറ്റാരിക്കാലിലാണ് സംഭവമുണ്ടായത്.
അതിരുമാവ് കോളനിയിലെ പുതിയകൂട്ടത്തില്‍ ദാമോദരനാണ് കൊല്ലപ്പെട്ടത്. സംഭവത്തില്‍ മകന്‍ അനീഷിനെ കസ്റ്റഡിയിലെടുത്തു.
ഇന്നലെ രാത്രി ദാമോദരനും അനീഷും ഒരുമിച്ച് മദ്യപിച്ചിരുന്നു. ഇതിനിടയില്‍ ഇരുവരും തമ്മില്‍ വാക്ക് തര്‍ക്കമായി. മദ്യലഹരിയില്‍ തടിക്കഷ്ണം എടുത്ത് അനീഷ് ദാമോദരന്റെ തലയ്ക്കടിക്കുകയായിരുന്നു. മൃതദേഹം പോസ്റ്റ്‌മോര്‍ട്ടം നടപടികള്‍ക്കായി പരിയാരം മെഡിക്കല്‍ കോളേജിലേക്ക് മാറ്റി. സംഭവത്തില്‍ ചിറ്റാരിക്കാല്‍ പൊലീസ് കേസെടുത്ത് അന്വേഷണം ആരംഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ