തിരുവനന്തപുരം : പിറന്നാൾ ആശംസകൾ നേർന്ന മുൻ മുഖ്യമന്ത്രി ഉമ്മൻചാണ്ടിക്ക് ശശി തരൂർ എംപിയുടെ തകർപ്പൻ മറുപടി. കഴിഞ്ഞ ദിവസമായിരുന്നു ശശി തരൂരിന്റെ 63-ാം പിറന്നാൾ. തരൂരിന് ആശംസകൾ അറിയിച്ച് ഉമ്മൻചാണ്ടി ട്വിറ്ററിലൂടെ സന്ദേശം അറിയിച്ചിരുന്നു. ഇതിന് തരൂരിന്റെ മറുപടി ഇങ്ങനെ. 

''നന്ദി ഒ സി ചേട്ടൻ. അങ്ങാണ് എന്റെ പ്രചോദനം. അങ്ങയുടെ മാതൃകയാണ് എപ്പോഴും എന്നെ മുന്നോട്ടുനയിക്കുന്നത്. പ്രായോഗിക ജനാധിപത്യത്തിന്റെ ദൃഷ്ടാന്തമാണ് അങ്ങയുടെ പ്രവർത്തനങ്ങൾ''- ശശി തരൂർ കുറിച്ചു.

പ്രതിപക്ഷ നേതാവ് രമേശ് ചെന്നിത്തലയും തരൂരിന് ആശംസകൾ നേർന്നു. ഇതിനും തരൂർ നൽകിയ മറുപടി ശ്രദ്ധേയമായി. ''അങ്ങയുടെ ഊർജസ്വലതയും പ്രവർത്തനങ്ങും മനസ്സിൽ പതിയുന്നതാണ്''-ചെന്നിത്തലക്ക് മറുപടിയായി തരൂർ കുറിച്ചു.

അമ്മയോടൊപ്പമായിരുന്നു തരൂരിന്റെ 63ാം പിറന്നാള്‍ ആഘോഷം. ''അമ്മമാരാണ് എല്ലാ  കഠിനാധ്വാനവും ചെയ്യുന്നത്. അതിന് അനുമോദനം ലഭിക്കുന്നതാകട്ടെ മക്കൾക്കും. ഇത് അനീതിയാണ്''- അമ്മക്കൊപ്പമുള്ള ചിത്രവും ട്വീറ്റിനൊപ്പം തരൂർ പങ്കിട്ടു.