കൊച്ചി: ഉത്തരേന്ത്യയിലെ അയോധ്യാ വിഷയം പോലെയാണ് കേരളത്തില്‍ ശബരിമല പ്രശ്‌നവുമെന്ന് നേമം എംഎല്‍എ ഒ രാജഗോപാല്‍. 
ഉത്തരേന്ത്യയിലെ അയോധ്യാ വിഷയം ജനമനസ്സില്‍ കയറിയതിന് സമാനമായി കേരളത്തിലെ ഭക്തരുടെ മനസ്സില്‍ ശബരിമല വിഷയവും സ്വാധീനിച്ചിട്ടുണ്ടെന്നും ആ സ്വാധീനം സ്വാഭാവികമാണെന്നും രാജഗോപാല്‍ പറഞ്ഞു.

എല്‍ഡിഎഫിന് കേരളത്തില്‍ വലിയ തിരിച്ചടി നേരിടേണ്ടി വരും. ജനവിശ്വാസം സംരക്ഷിക്കേണ്ട സര്‍ക്കാര്‍ പരാജയപ്പെട്ടു. അത് ജനം മറക്കില്ലെന്നും രാജഗോപാല്‍ പറഞ്ഞു.തിരുവനന്തപുരത്ത് ന്യൂനപക്ഷ വോട്ടുകളുടെ ഏകീകരണം ഉണ്ടായിട്ടുണ്ട്. പക്ഷെ അതിനെ മറികടന്നു വിജയിക്കാന്‍ ബിജെപിക്ക് കഴിയും. ബിജെപിക്ക് അനുകൂല സാഹചര്യമാണ് നിലവിലുള്ളതെന്നും രാജഗോപാല്‍ കൂട്ടിച്ചേര്‍ത്തു.