പയ്യന്നൂർ : പയ്യന്നൂരിൽ ലോക്സഭാ തെരഞ്ഞടുപ്പ് ദിവസം വോട്ടുചെയ്ത
യുവതിയുടെ കൈ പൊള്ളി. കണ്ടോന്താറിലെ കെ.ബിന്ദുവിന്റെ 3 വിരലുകളാണ് പൊള്ളിയത്. വോട്ട് ചെയ്തതിന് അടയാളം രേഖപ്പെടുത്തുന്ന മഷി തട്ടിയ ഭാഗത്താണ് പൊള്ളൽ ഉണ്ടായത്

തള്ളവിരലിന് മഷി പുരട്ടിയപ്പോൾ അത് ചൂണ്ടുവിരലിനും നടുവിലെ വിരലിനും തട്ടിയിരുന്നു. അടുത്ത ദിവസം രാവിലെയാണ് വിരലുകളുടെ ഈ ഭാഗത്ത് പൊള്ളൽ ഉണ്ടായത്. ചികിത്സ തേടിയെങ്കിലും ഒരാഴ്ച പിന്നിട്ടിട്ടും പൂർണമായും മാറിയില്ല.