കണ്ണൂർ :  മികച്ച ട്രോളൻ ആരാണെന്ന് കണ്ടെത്താൻ മത്സരം നടത്താൻ തീരുമാനിച്ചിരിക്കുകയാണ് കേരളാ പൊലീസ്.  ഈ മാസം അവസാനം നടക്കുന്ന സംസ്ഥാന പൊലീസ് കലാമേളയിലാണ് ട്രോൾ ഒരു മത്സരയിനമായി തീരുമാനിച്ചത്.

പൊലീസുകാരുടെ മാനസിക സമ്മർദ്ദം കുറയ്ക്കുന്നതിനും കലാപരമായ കഴിവുകൾ പുറത്ത് കൊണ്ടു വരുന്നതിനുമാണ് മത്സരം നടത്താൻ തീരുമാനിച്ചതെന്ന് ഡിജിപി വ്യക്തമാക്കി. കഴിഞ്ഞ 23 വർഷത്തിനിടെ ഇതാദ്യമായാണ് പൊലീസ്  കലാമേള നടത്തുന്നത്.

ട്രോൾ ഉണ്ടാക്കുന്നതിന് പുറമേ കാക്കിക്കുള്ളിലെ എല്ലാ കലാഹൃദയങ്ങളെയും കണ്ടെത്തുന്നതിനായി കഥകളി, മാപ്പിളപ്പാട്ട്, ശാസ്ത്രീയ സം​ഗീതം, ഓട്ടൻതുള്ളൽ, മാർ​ഗം കളി, മിമിക്രി തുടങ്ങി 24 ഇനങ്ങളിലായാണ് മത്സരം. ജൂൺ ഒന്ന് വരെയാണ് കലാമേള നിശ്ചയിച്ചിരിക്കുന്നത്.