തിരുവനന്തപുരം: സംസ്ഥാനത്ത് ഇന്ന് ഇടിയോട് കൂടിയ കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ വകുപ്പ്. മണിക്കൂറിൽ 30-40 കിലോമീറ്റർ  വരെ വേ​ഗത്തിൽ കാറ്റ് വീശിയേക്കുമെന്നും മത്സ്യത്തൊഴിലാളികൾ ജാ​ഗ്രത പാലിക്കണമെന്നും മുന്നറിയിപ്പിൽ പറയുന്നു. 

കഴിഞ്ഞ രണ്ട് ദിവസമായി സംസ്ഥാനത്ത് ഒറ്റപ്പെട്ട മഴ ലഭിച്ചിരുന്നു. തെക്ക് പടിഞ്ഞാറൻ മൺസൂണിന്റെ ഭാ​ഗമായാണ് വേനൽ മഴ ശക്തിയാർജ്ജിക്കുന്നതെന്നും കാലാവസ്ഥാ നിരീക്ഷകർ അറിയിച്ചു.

 കർണാടകത്തിന് മുകളിൽ അന്തരീക്ഷ ചുഴി രൂപപ്പെട്ടിട്ടുണ്ട്. തിരമാലകൾ പതിവിലും ഉയർന്നേക്കുമെന്നും കടൽക്ഷോഭം ഉണ്ടായേക്കുമെന്നും റിപ്പോർട്ടിൽ വ്യക്തമാക്കിയിട്ടുണ്ട്.