തിരുവനന്തപുരം: 250 കിലോ ഭാരമുള്ള ഭീമന്‍ സ്രാവ് ചൂണ്ടയില്‍ കുടുങ്ങി. വിഴിഞ്ഞം കടപ്പുറത്താണ് ഈ കൂറ്റന്‍ മത്സ്യം ചൂണ്ടയില്‍ കുരുങ്ങിയത്.
അച്ചിണി സ്രാവെന്ന് അറിയപ്പെടുന്ന മത്സ്യത്തിന് 250 കിലോ തൂക്കമുണ്ട്. ചൂണ്ടയില്‍ കുരുങ്ങിയെന്ന് ഉറപ്പായിട്ടും കീഴടങ്ങാന്‍ വമ്പന്‍ സ്രാവ് തയ്യാറായില്ലെന്ന് വള്ളക്കാര്‍ പറയുന്നു. കുറേ ദൂരം മത്സരയോട്ടം നടത്തിയ ശേഷമാണ് സ്രാവ് കരയ്ക്കടിഞ്ഞത്.
കരയിലെത്തിച്ചതും സ്രാവിനെ കാണാന്‍ ജനങ്ങള്‍ തടിച്ചുകൂടി. വണ്ടിയില്‍ കയറ്റാന്‍ തന്നെ ഏകദേശം ഒരുമണിക്കൂറിലേറെ എടുത്തുവെന്നും നാട്ടുകാര്‍ പറയുന്നു. വടക്കന്‍ കേരളത്തിലെ മത്സ്യക്കമ്പോളത്തിലേക്ക് സ്രാവിനെ കയറ്റി അയച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ