കണ്ണൂര്‍: പശ ലഹരിയായി ഉപയോഗിച്ച ബിരുദ വിദ്യാര്‍ഥി കെട്ടടത്തിന്റെ ഒന്നാം നിലയില്‍ നിന്ന് കുഴഞ്ഞ് വീണു. കണ്ണൂര്‍ ജില്ലയിലെ ഒളവിലം സ്വദേശിയായ പതിനെട്ടുകാരനാണ് വീണ് ഗുരുതരമായി പരിക്കേറ്റത്. ബുധനാഴ്ച രാവിലെ പത്തോടെ പാനൂര്‍ ബസ്സ്റ്റാന്‍ഡിലെ നഗരസഭാ ഷോപ്പിംഗ് കോംപ്ലക്‌സിലെ ഒന്നാം നിലയില്‍ നിന്നാണ് വിദ്യാര്‍ത്ഥി വീണത്.
ഗുരുതരമായി പരിക്കേറ്റ വിദ്യാര്‍ഥിയെ തലശേരി സഹകരണ ആശുപത്രിയില്‍ പ്രവേശിപ്പിച്ചു. പരിസരത്തുണ്ടായിരുന്നവര്‍ വിവരമറിയിച്ചതിനെ തുടര്‍ന്ന് പൊലീസ് എത്തിയാണ് ആശുപത്രിയിലേക്കു മാറ്റിയത്. ഇതു രണ്ടാം തവണയാണ് ഇതേ വിദ്യാര്‍ഥി പശ ലഹരിയായി ഉപയോഗിച്ചതിന് പോലീസിന്റെ പിടിയിലാകുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ