തിരുവനന്തപുരം: ഷൊര്‍ണൂര്‍ യാര്‍ഡില്‍ അറ്റകുറ്റപ്പണി നടക്കുന്നതിനാല്‍ ചില ട്രെയിനുകള്‍ റദ്ദാക്കി. ചിലതിനു നിയന്ത്രണം ഏര്‍പ്പെടുത്തിയതായും റെയില്‍വേ അറിയിച്ചു. 16ന് എറണാകുളം-കണ്ണൂര്‍ (16305), കണ്ണൂര്‍-ആലപ്പുഴ എക്‌സിക്യൂട്ടീവ് (16308), ഹൈദരാബാദ്- തിരുവനന്തപുരം ശബരി (17230), ലോക്മാന്യ തിലക്- തിരുവനന്തപുരം നേത്രാവതി (16345) എന്നീ എക്‌സ്പ്രസ് ട്രെയിനുകള്‍ 30 മിനിറ്റ് വൈകും.

20ന് കോഴിക്കോട് - തൃശൂര്‍ (56664), തൃശൂര്‍ -കോഴിക്കോട് (56663) പാസഞ്ചര്‍ ട്രെയിനുകള്‍ തൃശൂരിനും ഷൊര്‍ണൂരിനുമിടയില്‍ സര്‍വീസ് നടത്തില്ല. അന്നേദിവസം എറണാകുളം- കണ്ണൂര്‍ എക്‌സ്പ്രസ് (16305) ഒന്നര മണിക്കൂര്‍ വൈകിയും കണ്ണൂര്‍- ആലപ്പുഴ എക്‌സ്പ്രസ് (16308) 2 മണിക്കൂര്‍ വൈകി പുറപ്പെടും.

20ന് നാഗര്‍കോവില്‍ - മംഗളൂരു എക്‌സ്പ്രസ് (16606) ഒരു മണിക്കൂറും ലോക്മാന്യ തിലക് - തിരുവനന്തപുരം നേത്രാവതി എക്‌സ്പ്രസ് (16345), ഹൈദരാബാദ്- തിരുവനന്തപുരം ശബരി എക്‌സ്പ്രസ് (17230) എന്നിവ 30 മിനിറ്റ് വീതവും വൈകും. 23ന് ആലപ്പുഴ- ധന്‍ബാദ് എക്‌സ്പ്രസ് (13352) കോയമ്പത്തൂരില്‍ 50 മിനിറ്റ് വൈകിയാകും എത്തിച്ചേരുക.