ആലപ്പുഴ: ആയുര്‍വ്വേദ ആശുപത്രിയിലെ താത്കാലിക ജീവനക്കാരി മരിച്ചനിലയില്‍. ആലപ്പുഴ കാര്‍ത്തികപളളി ആയുര്‍വ്വേദ ആശുപത്രിയിലെ താത്കാലിക ജീവനക്കാരി അരുണയെ വീട്ടിനുളളില്‍ തൂങ്ങിമരിച്ച നിലയില്‍ കണ്ടെത്തി. പൊലീസ് അന്വേഷണം ആരംഭിച്ചു.
മരുന്നു കടത്ത് നടക്കുന്നതായുളള വിവരത്തിന്റെ അടിസ്ഥാനത്തില്‍ ആശുപത്രിയില്‍ ഇന്ന് പരിശോധന നടത്തിയിരുന്നു. ഇതിന് പിന്നാലെയാണ് ജീവനക്കാരിയെ മരിച്ചനിലയില്‍ കണ്ടെത്തിയത്. പരിശോധനയില്‍ മരുന്നു കുപ്പികള്‍ വെളളം നിറച്ചനിലയിലാണ് കണ്ടെത്തിയതെന്ന് മനോരമ ന്യൂസ് റിപ്പോര്‍ട്ട് ചെയ്യുന്നു.
മരുന്ന് കടത്തിയത് സിപിഎം നേതാവിന്റെ കടയിലേക്കെന്ന് കോണ്‍ഗ്രസ് ആരോപിക്കുന്നു. അതേസമയം കോണ്‍ഗ്രസ്- ബിജെപി നേതാക്കളുടെ മാനസിക പീഡനമാണ് മരണകാരണമെന്നാണ് സിപിഎം ആരോപണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ