ആരും പരിഗണിക്കാത്തതില്‍ പ്രതിഷേധിച്ച് കമ്പംമെട്ട് സ്വദേശി വൈദ്യുത പോസ്റ്റില്‍ കയറി ഇരുന്നത് നാട്ടുകാരെ വലച്ചു. ട്രാന്‍സ്‌ഫോര്‍മറിലെ ഫ്യൂസ് ഊരിയ ശേഷമാണ് 75 കാരനായ ഗോപിനാഥന്‍ നായര്‍ രണ്ട് മണിക്കൂറോളം പോസ്റ്റില്‍ കയറിയിരുന്നത്. ഇതോടെ പ്രദേശത്തെ വൈദ്യുതി വിതരണം താത്കാലികമായി തടസ്സപ്പെടുകയും ചെയ്തു.
ഭാര്യയും മക്കളുമായി പിണങ്ങി കഴിയുകയാണ് ഇദ്ദേഹമെന്നാണ് പൊലീസ് പറയുന്നത്. കമ്പംമെട്ടിലെ ആശാന്‍ കടയിലാണ് ഗോപിനാഥന്‍നായരുടെ താമസം. കഴിഞ്ഞ ദിവസങ്ങളില്‍ അയല്‍വീടുകളിലെ ഫ്യൂസും ഇയാള്‍ ഊരി വച്ചതായാണ് നാട്ടുകാര്‍ പറയുന്നത്.
പോസ്റ്റില്‍ നിന്നിറങ്ങാന്‍ പൊലീസും ഫയര്‍ഫോഴ്‌സും ആവശ്യപ്പെട്ടപ്പോള്‍ നാട്ടുകാര്‍ തന്നെ പരിഗണിക്കണം എന്ന ആവശ്യം മാത്രമാണ് ഗോപിനാഥന്‍ നായര്‍ ഉന്നയിച്ചത്. തുടര്‍ന്ന് എല്ലാവരും ചേര്‍ന്ന് ഇദ്ദേഹത്തെ അനുനയിപ്പിച്ച് താഴെയിറക്കുകയായിരുന്നു. നാട്ടുകാരാരും പരാതി നല്‍കാതിരുന്നതിനെ തുടര്‍ന്ന് പൊലീസ് കേസ് രജിസ്റ്റര്‍ ചെയ്തില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ