നെടുങ്കണ്ടം: നെടുങ്കണ്ടത്ത് പള്ളിമുറ്റത്തുനിന്ന് ചന്ദനമരങ്ങള്‍ മുറിച്ചുകടത്തിയെന്ന് പരാതി. നെടുങ്കണ്ടം മുണ്ടിയെരുമ അസംപ്ഷന്‍ ഫൊറോനാ പള്ളിയുടെ സ്ഥലത്തുനിന്നാണ് രണ്ട് ചന്ദന മരങ്ങള്‍ മുറിച്ചുകടത്തിയത്. അന്‍പതിനായിരം രൂപ വിലവരുന്ന മരമാണ് മോഷണം പോയത്. സംഭവത്തില്‍ വനംവകുപ്പും പൊലീസും അന്വേഷണം തുടങ്ങി.
മരങ്ങള്‍ മുറിച്ചുകടത്തിയത് ശ്രദ്ധിച്ച പള്ളി അധികൃതര്‍ നെടുങ്കണ്ടം പൊലീസിലും കല്ലാര്‍ ഫോറസ്റ്റ് ഓഫീസിലും വിവരം അറിയിക്കുകയും തുടര്‍ന്ന് സ്ഥലത്തെത്തിയ ഉദ്യോഗസ്ഥര്‍ വിശദമായ പരിശോധനകള്‍ നടത്തുകയും ചെയ്തു. മുണ്ടിയെരുമയില്‍ നിന്ന് നിരവധി ചന്ദന മരങ്ങള്‍ മുമ്പ് മുറിച്ച് കടത്തിയിരുന്നെങ്കിലും പ്രതികളെ പിടികൂടാനായിട്ടില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ