മലപ്പുറം: സ്വന്തം കുഞ്ഞിനെ കഴുത്ത് ഞെരിച്ച് കൊലപ്പെടുത്തിയ ശേഷം യുവതി ആത്മഹത്യക്ക് ശ്രമിച്ചു. മലപ്പുറം കോഹിനൂരിലാണ് ദാരുണ സംഭവം. മൂന്ന് മാസം മാത്രം പ്രായമുള്ള കുഞ്ഞിനെയാണ് മാതാവായ അനീസ എന്ന യുവതി കൊലപ്പെടുത്തിയത്.
സംഭവത്തിന് പിന്നാലെ അനീസ ആത്മഹത്യയ്ക്കു ശ്രമിച്ചു. യുവതിയെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിട്ടുണ്ട്. ഇന്ന് പുലര്‍ച്ചെയായിരുന്നു സംഭവം. ലുഖ്മാന്‍- അനീസ ദമ്പതികളുടെ മൂന്നാമത്തെ കുഞ്ഞാണ് കൊല്ലപ്പെട്ടത്.
ഡിവൈഎസ്പിയുടെ നേതൃത്വത്തിലുള്ള പൊലീസ് സംഘം സ്ഥലത്തെത്തി പരിശോധന നടത്തി. അന്വേഷണ സംഘം കോഴിക്കോട് മെഡിക്കല്‍ കോളജിലെത്തി യുവതിയുടെ അറസ്റ്റ് രേഖപ്പെടുത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ