തിരുവനന്തപുരം: ശാരീരികാസ്വസ്ഥതകളെ തുടര്‍ന്ന് ആശുപത്രിയില്‍ ചികിത്സയില്‍ കഴിയുന്ന ഭരണപരിഷ്‌കാര കമ്മിഷന്‍ ചെയര്‍മാന്‍ വി എസ് അച്യുതാനന്ദന്റെ ആരോഗ്യ നിലയില്‍ ആശങ്ക വേണ്ടെന്ന് ഡോക്ടര്‍മാര്‍. തിരുവനന്തപുരത്തെ സ്വകാര്യ ആശുപത്രിയിലാണ് അദ്ദേഹം ചികിത്സയിലുള്ളത്.
ഉയര്‍ന്ന രക്തസമ്മര്‍ദ്ദത്തേയും, ശ്വാസ തടസത്തേയും തുടര്‍ന്നാണ് വിഎസിനെ വെള്ളിയാഴ്ച വൈകീട്ടോടെ ആശുപത്രിയില്‍ പ്രവേശിപ്പിച്ചത്. സ്‌ട്രോക്കിന്റെ ലക്ഷണങ്ങള്‍ കണ്ടതിനെ തുടര്‍ന്ന് ഡോക്ടര്‍മാരുടെ പ്രത്യേക നിരീക്ഷണത്തിലാണ് അദ്ദേഹം.
വിഎസിനെ മുഖ്യമന്ത്രി പിണറായി വിജയന്‍ സന്ദര്‍ശിച്ചിരുന്നു. വിഎസിന്റെ ആരോഗ്യനില മെച്ചപ്പെട്ട് വരുന്നതായി ഹൃദ്രോഗ വിദഗ്ധന്‍ ഡോ ഭരത്ചന്ദ്രന്‍ പറഞ്ഞു. ദീര്‍ഘനാളായി ഡോ ഭരത് ചന്ദ്രനാണ് വിഎസിനെ ചികിത്സിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ