കോഴിക്കോട്: കോഴിക്കോട്ട് ഭാര്യയെ ഭര്‍ത്താവ് വെട്ടിക്കൊന്നു .ചെലവൂര്‍ കുണ്ടുംപുറത്ത് 'റോസ് ഡെയ്ല്‍' വീട്ടില്‍ ശോഭയാണ് കൊല്ലപ്പെട്ടത്. ഇന്ന് രാവിലെ എട്ടരോടെയാണ് സംഭവം
ഭര്‍ത്താവ് രാഘവനാണ് ഇവരെ കൊലപ്പെടുത്തിയത്. രാഘവന്‍ മാനസികാസ്വാസ്ഥ്യമുള്ളയാളാണെന്ന് പൊലീസ് പറഞ്ഞു.ശോഭയെ കൊലപ്പെടുത്തിയ ശേഷം ഇയാള്‍ വിഷം കഴിക്കുകയായിരുന്നു. തുടര്‍ന്ന് രാഘവനെ കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചു. രാഘവന്റെ നില ഗുരുതരമല്ലെന്നാണ് റിപ്പോര്‍ട്ടുകള്‍.
സംഭവത്തെ പറ്റി പൊലീസ് പറയുന്നത് ഇങ്ങനെ; ഇന്ന് രാവിലെ എട്ടരയോടെയാണ് ശോഭയുടെ നിലവിളി സമീപവാസികള്‍ കേള്‍ക്കുന്നത്. അയല്‍ക്കാര്‍ വീട്ടിലേക്ക് എത്തിയെങ്കിലും മുറി പുറത്ത് നിന്ന് കുറ്റിയിട്ട നിലയിലായിരുന്നു. ഇതേ തുടര്‍ന്ന് നാട്ടുകാര്‍ ചേവായൂര്‍ പൊലീസിനെ വിവരം അറിയിക്കുകയായിരുന്നു. പൊലീസ് എത്തിയപ്പോഴെക്കും ശോഭ മരിച്ചിരുന്നു. തൊട്ടടുത്ത മുറിയില്‍ അബോധവാസ്ഥയിലായിരുന്നു രാഘവനെ കണ്ടെത്തിയത്. തുടര്‍ന്ന് പൊലീസ് ഇയാളെ ആശുപത്രിയിലെത്തിക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ