മലപ്പുറം: മലപ്പുറത്ത് ഓട്ടോറിക്ഷ മറിഞ്ഞ് ഒന്നര മാസം പ്രായമായ കുട്ടി മരിച്ചു. വങ്ങര അച്ചനമ്പലം തുമ്പത്ത് ഷഫീഖിന്റെ മകള്‍ ജസ മെഹ്‌റിനാണ് മരിച്ചത്. കക്കാടിനടുത്ത് കാച്ചടിയിലുണ്ടായ അപകടത്തില്‍ കുഞ്ഞിന്റെ അമ്മയടക്കം അഞ്ചുപേര്‍ക്ക് പരിക്കേറ്റു. ഓടിക്കൊണ്ടിരിക്കുകയായിരുന്ന ഓട്ടറിക്ഷ നിയന്ത്രണം നഷ്ടപ്പെട്ട് മതിലിലിടിച്ച് മറിയുകയായിരുന്നു. കുട്ടിയുടെ മൃതദേഹം ചങ്കുവെട്ടി സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്.