തിരുവനന്തപുരം: വാഹനത്തിന് സൈഡ് കൊടുക്കാത്തതിനെ ചൊല്ലിയുള്ള തര്‍ക്കത്തിനിടെ യുവാവിനെ കുത്തി കൊലപ്പെടുത്തി. ആഴാക്കുളം തൊഴിച്ചാല്‍ സ്വദേശിയായ സൂരജ്(23) ആണ് കൊല്ലപ്പെട്ടത്. 

സൂരജിന്റെ സുഹൃത്തായ വിനീഷ് ചന്ദ്രനും പരിക്കേറ്റിട്ടുണ്ട്. ഗുരുതര പരിക്കുകളോടെ വിനീഷിനെ മെഡിക്കല്‍ കോളെജില്‍ പ്രവേശിപ്പിച്ചു. 

ഓട്ടോഡ്രൈവറായ തൊഴിച്ചാല്‍ സ്വദേശി മനു(26) ആണ് ഇവരെ കുത്തിയത്. ഇയാളെ കോവളം പൊലീസ് അറസ്റ്റ് ചെയ്തു. വിഴിഞ്ഞം ആഴക്കുളത്ത് വൈകുന്നേരം 7.30ടെയായിരുന്നു സംഭവം.