തിരുവനന്തപുരം:  ലോക്ക്ഡൗണ്‍ പുരോഗമിക്കുന്നതിനിടെ, ജില്ലയില്‍ വീടുകളില്‍ കഴിയുന്നവര്‍ക്ക് ആയുര്‍വ്വേദ മരുന്നുകള്‍ എത്തിക്കാന്‍ ആശ്വാസ നടപടിയുമായി പ്രമുഖ പൊതുമേഖല ആയുര്‍വ്വേദ കമ്പനിയായ ഔഷധി. വ്യവസായ വകുപ്പിന്റെ കീഴിലുളള സംസ്ഥാനതല വ്യവസായ സഹകരണസംഘമായ സിറ്റ്മികോസുമായി ചേര്‍ന്നാണ് ഔഷധി ആവശ്യക്കാര്‍ക്ക് മരുന്നുകള്‍ വീടുകളില്‍ എത്തിച്ച് നല്‍കുക. ഔഷധി നിര്‍മ്മിക്കുന്ന മരുന്നുകളുടെ ലഭ്യതയാണ് ഉറപ്പുവരുത്തുക.

0471- 2317755,9847288883 എന്നി ഫോണ്‍ നമ്പറുകളില്‍ വിളിച്ചുപറയുകയോ, 8075966516, 7907055696 എന്നി വാട്‌സ് ആപ്പ് നമ്പറുകളില്‍ അറിയിക്കുകയോ ചെയ്താല്‍ മരുന്നുകള്‍ വീടുകളില്‍ എത്തിക്കും. www.med-store.in എന്ന ഓണ്‍ലൈന്‍ വഴിയും മരുന്നുകള്‍ ആവശ്യപ്പെടാവുന്നതാണ്. കുറഞ്ഞ നിരക്കില്‍ ലഭിക്കുന്ന മരുന്നുകളുടെ വില ഡെലിവറി സമയത്ത് നേരിട്ടോ ഓണ്‍ലൈന്‍ വഴിയോ അടയ്ക്കാവുന്നതാണെന്ന് ഔഷധി മാനേജിംഗ് ഡയറക്ടര്‍കെ വി ഉത്തമന്‍ അറിയിച്ചു.