ലോക്ക്ഡൗണ്‍ കാലത്ത് പുറത്തിറങ്ങി കറങ്ങുന്നവരെ പിടിച്ച് വീട്ടില്‍ കയറ്റാന്‍ പൊലീസ് പല വിദ്യകളാണ് പ്രയോഗിക്കുന്നത്. ആദ്യം ക്ഷമയോടെ പറഞ്ഞു നോക്കി, എന്നിട്ടും കേള്‍ക്കാത്തവരെ ലാത്തി കാട്ടി വിരട്ടി. അതും വിലയ്‌ക്കെടുക്കാത്തവരെ ഓടിച്ചിട്ട് രണ്ടെണ്ണം കൊടുത്തു. ഇപ്പോള്‍ കറങ്ങി നടക്കുന്നവരെ പിടിക്കാന്‍ ഡ്രോണുകളുടെ കൂട്ടുപിടിച്ചാണ് പൊലീസി നടപടി. അങ്ങനെ ഡ്രോണുകളില്‍ കിട്ടിയ രസകരമായ ചില കാഴ്ചകള്‍ പങ്കുവച്ചിരിക്കുകയാണ് കേരള പൊലീസ്. 

ഡ്രോണ്‍ വരുന്നത് കണ്ട് കണ്ടംവഴി ഓടുന്നവരുടെയും തലയില്‍ മുണ്ടിട്ട് തെങ്ങിന്‍ ചോട്ടില്‍ ഒളിച്ചിരിക്കുന്നവരുടെയും ഒക്കെ വീഡിയോയാണ് പൊലീസ് പുറത്തുവിട്ടിരിക്കുന്നത്. ആലപ്പുഴയില്‍ നിന്നുള്ളതാണ് ഈ ദൃശ്യങ്ങള്‍.