കൊച്ചി: സംസ്ഥാനത്ത് കോവിഡ് 19 ബാധിതരുടെ എണ്ണം  345ആയി. ഇതില്‍ ചികിത്സയിലുള്ളവരുടെ എണ്ണം 259 ആണ്. ഇതുവരെ രോഗവിമുക്തരായവര്‍ 84 പേരാണ്.

തിരുവനന്തപുരം 4, കൊല്ലം 6, പത്തനംതിട്ട 8, ആലപ്പുഴ 3, ഇടുക്കി 5, എറണാകുളം 14, തൃശൂര്‍ 7, പാലക്കാട് 7, മലപ്പുറം 14, കോഴിക്കോട് 9, വയനാട് 1, കണ്ണൂര്‍ 49, കാസര്‍കോട് 132 പേര്‍ എന്നിങ്ങനെയാണ് കണക്ക്. എറണാകുളത്ത് ചികിത്സയിലുള്ളവരില്‍ ഒരാള്‍ വിദേശിയും 2 പേര്‍ കണ്ണൂര്‍, ഒരാള്‍ മലപ്പുറം സ്വദേശിയുമാണ്. കോഴിക്കോട് ആശുപത്രിയില്‍ ചികിത്സയിലുള്ളവരില്‍ ഒരാള്‍  വീതം കണ്ണൂരും കാസര്‍കോട്ടുമുള്ളവരുമാണ്. കണ്ണൂരില്‍ ചികിത്സയിലുള്ള 18 പേര്‍ കാസര്‍കോട്ടുകാരാണ്. 

സംസ്ഥാനത്ത് ആകെ 140474 പേരാണ് നിരീക്ഷണത്തിലുള്ളത്. ഇതില്‍ 139725 പേര്‍ വീടുകളില്‍ നിരീക്ഷണത്തിലാണ്. ഇതില്‍ ആശുപത്രിയില്‍ നിരീക്ഷണത്തിലുള്ളത് 749 പേരാണ്. ഇന്ന് ആശുപത്രിയില്‍ എത്തിയത് 169 പേരാണ്. കോഴിക്കോട്, പാലക്കാട്, മലപ്പുറം, കാസര്‍കോട് ജില്ലയിലാണ് ഏറ്റവും കുടുതല്‍ പേര്‍ വീടുകളില്‍ നിരീക്ഷണത്തിലുള്ളത്. ഏറ്റവും കുറച്ച് പേര്‍ നിരിക്ഷണത്തിലുള്ളത് കോട്ടയത്തും ഇടുക്കിയിലുമാണ്.