കണ്ണൂർ: തളിപ്പറമ്പിലും, തൃശൂരിലെ ചാവക്കാടും ലോക്ക്ഡൗൺ ലംഘിച്ച് ജുമാമസ്ജിദിൽ ഒത്തുകൂടിയവർക്കെതിരെ കേസ്. തളിപ്പറമ്പ് മാവിച്ചേരി ജുമാ മസ്ജിദിൽ നിസ്‌കാരത്തിന് എത്തിയ ഒൻപത് പേർക്കെതിരെയാണ് കേസെടുത്തത്. കേസെടുത്തവരിൽ പള്ളി ഉസ്താദും ഉൾപ്പെടുന്നു. വെള്ളിയാഴ്ച ഉച്ചയ്ക്കാണ് ഇവർ പള്ളിയിലെത്തിയത്. 

ചാവക്കാട് ലോക്ക്ഡൗൺ ലംഘിച്ച് പള്ളിയിൽ നമസ്‌കരിക്കാനെത്തിയ ആറ് പേർക്കെതിരെയാണ് കേസ്. ചാവക്കാട് പൊലീസാണ് കേസെടുത്തത്. കടപ്പുറം മുനക്കക്കടവ് സെന്ററിലെ പള്ളിയിലാണ് സംഭവം. 

രഹസ്യ വിവരത്തെ തുടർന്ന് നടത്തിയ പരിശോധനയിലാണ് ഇവർ പള്ളിയിലെത്തിയതായി കണ്ടെത്തിയത്. തുടർന്നാണ് പള്ളി ഇമാം ഉൾപ്പടെയുള്ളവർക്കെതിരെ കേസ് എടുത്തത്.