തിരുവനന്തപുരം : സംസ്ഥാനത്ത് ഇന്ന് ഇടിയോടു കൂടിയ ശക്തമായ മഴയ്ക്ക് സാധ്യതയെന്ന് കാലാവസ്ഥാ വകുപ്പ്. ഇടിമിന്നലോട് കൂടിയ ശക്തമായ മഴ ഉണ്ടാകുമെന്നാണ് മുന്നറിയിപ്പ് നല്കിയിട്ടുള്ളത്. ചിലയിടങ്ങളില് ശക്തമായ കാറ്റ് ഉണ്ടാകുമെന്നും ജനങ്ങള് ജാഗ്രത പുലര്ത്തണമെന്നും മുന്നറിയിപ്പില് വ്യക്തമാക്കിയിട്ടുണ്ട്.
ശക്തമായ മഴയുടെ സാഹചര്യത്തില് സംസ്ഥാനത്തെ രണ്ട് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. മലപ്പുറം, വയനാട് ജില്ലകളിലാണ് മഞ്ഞ അലര്ട്ട് നല്കിയിട്ടുള്ളത്. വേനല്മഴയോട് അനുബന്ധിച്ചുള്ള ഇടിമിന്നലോട് കൂടിയ മഴ സംസ്ഥാനത്ത് വിവിധയിടങ്ങളില് അടുത്ത നാലു ദിവസവും തുടരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഒറ്റപ്പെട്ടയിടങ്ങളില് 24 മണിക്കൂറില് 64.5 mm മുതല് 115.5 mm വരെ മഴ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്. മഴയോടനുബന്ധിച്ച് ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത ഉണ്ട്. ഇത്തരം ഇടിമിന്നല് അപകടകാരികള് ആണെന്ന് കാലാവസ്ഥ വകുപ്പ് മുന്നറിയിപ്പ് നല്കി.
വിവിധ ജില്ലകളിലെ യെല്ലോ അലര്ട്ട് ഇങ്ങനെ..
2020 ഏപ്രില് 24 മലപ്പുറം ,വയനാട്
2020 ഏപ്രില് 25 ഇടുക്കി
2020 ഏപ്രില് 26 ഇടുക്കി,തൃശൂര്
2020 ഏപ്രില് 27 കോട്ടയം,ഇടുക്കി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ