കൊച്ചി: എറണാകുളം ജില്ലയില് ഇന്ന് 59പേര്ക്ക് കോവിഡ് സ്ഥിരീകരിച്ചു. ഇതില് 38പേര്ക്കും സമ്പര്ക്കത്തിലൂടെയാണ് രോഗം സ്ഥിരീകരിച്ചിരിക്കുന്നത്. ഫോര്ട്ട് കൊച്ചിയില് മാത്രം പത്തുപേര്ക്ക് രോഗം സ്ഥിരീകരിച്ചിട്ടുണ്ട്. ഇന്ന് 32പേര് രോഗമുക്തി നേടി. ഇതില് 29പേര് എറണാകുളം ജില്ലക്കാരും 3പേര് മറ്റ് ജില്ലക്കാരുമാണ്.
ഇന്ന് 645 പേരെ കൂടി ജില്ലയില് പുതുതായി വീടുകളില് നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 900 പേരെ നിരീക്ഷണ പട്ടികയില് നിന്നും ഒഴിവാക്കുകയും ചെയ്തു നിരീക്ഷണത്തില് ഉള്ളവരുടെ ആകെ എണ്ണം 11096 ആണ്. ഇതില് 9200 പേര് വീടുകളിലും, 192 പേര് കോവിഡ് കെയര് സെന്ററുകളിലും 1704 പേര് പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്.
ഇന്ന് 120 പേരെ പുതുതായി ആശുപത്രി/ എഫ് എല് റ്റി സികളില് പ്രവേശിപ്പിച്ചു.76 പേരെ ഇന്ന് ഡിസ്ചാര്ജ് ചെയ്തു. ജില്ലയിലെ ആശുപത്രികളില് കോവിഡ് രോഗം സ്ഥിരീകരിച്ച് ചികിത്സയില് കഴിയുന്നവരുടെ എണ്ണം 886 ആണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ