തിരുവനന്തപുരം : നിയമസഭയ്ക്ക് മുന്നിൽ പൂക്കളമിട്ട് പ്രതിഷേധം. പ്രതിഷേധിച്ചയാളെ പൊലീസ് അറസ്റ്റ് ചെയ്തു. തിരുവനന്തപുരം കാട്ടാക്കട സ്വദേശി ഷാജി ദാസ് ആണ് അറസ്റ്റിലായത്. കേരളത്തിലെ പൂ വ്യാപാരികൾക്ക് വേണ്ടിയാണ് പ്രതിഷേധമെന്ന് അറസ്റ്റിലായ ഷാജി ദാസ് പറഞ്ഞു.
കോൺഗ്രസിന്റെ മുൻ പ‍ഞ്ചായത്ത് അംഗം കൂടിയാണ് ഷാജി ദാസ്. ഓണാഘോഷം വീടുകളില്‍ മാത്രമായി പരിമിതപ്പെടുത്തണമെന്നും പൂക്കളമൊരുക്കാൻ അതതു പ്രദേശത്തെ പൂക്കൾ ഉപയോഗിക്കണമെന്നും മുഖ്യമന്ത്രി പിണറായി വിജയൻ കഴിഞ്ഞ ദിവസം പറഞ്ഞിരുന്നു. പുറത്തു നിന്നു കൊണ്ടുവരുന്ന പൂക്കൾ കോവിഡ് വ്യാപന സാധ്യത വർധിപ്പിക്കുമെന്നും മുഖ്യമന്ത്രി വ്യക്തമാക്കിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ