തിരുവനന്തപുരം: മദ്യം വിതരണം ചെയ്യാനുള്ള ബിവറേജസ് കോര്‍പ്പറേഷന്‍ ആപ്ലിക്കേഷനായ ബെവ് ക്യുവില്‍ ബുക്ക് ചെയ്യാനുള്ള സമയപരിധി സര്‍ക്കാര്‍ നീക്കി. ഇനി ബുക്ക് ചെയ്താല്‍ ഉടന്‍ മദ്യം ലഭിക്കും.
ബെവ് കോ, കണ്‍സ്യൂമര്‍ ഫെഡ് ഔട്ട്‌ലറ്റുകള്‍ രാവിലെ ഒന്‍പതു മുതല്‍ ഏഴുവരെ പ്രവത്തിക്കും. ബാറുകളുടെ പ്രവര്‍ത്തന സമയം നീട്ടിയിട്ടില്ല. വൈകിട്ട് അഞ്ചുമണിവരെയാണ് ബാറുകള്‍ക്ക് അനുവദിച്ചിരിക്കുന്ന സമയം. മാറ്റം നാളെമുതല്‍ നിലവില്‍ വരും. ഓണം പ്രമാണിച്ച് തിരക്ക് വര്‍ദ്ധിക്കുന്ന സാഹചര്യം കണക്കിലെടുത്താണ് പുതിയ നടപടി.
ബെവ് കോയുടെയും കണ്‍സ്യൂമര്‍ ഫെഡിന്റെയും പ്രതിദിന ടോക്കണുകള്‍ 400ല്‍ നിന്ന് 600ആയി ഉയര്‍ത്തും. ബാറുകളില്‍ അനധികൃത വില്‍പ്പന തടയാനും നടപടി സ്വീകരിക്കും. ബാറുകളിലേക്ക് അനുവദിക്കുന്ന ടോക്കണ് ആനുപാതികമായാണോ മദ്യം വില്‍ക്കുന്നത് എന്ന് ഉറപ്പുവരുത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ