പൊൻകുന്നം: കെഎസ്ആർടിസി ബസുകളിലെ റിസർവേഷൻ സീറ്റുകൾക്ക് ചുവപ്പു നിറം നൽകും. സ്ത്രീകൾ, മുതിർന്ന പൗരന്മാർ, ഭിന്നശേഷിക്കാർ തുടങ്ങിയവർക്കുള്ള റിസർവേഷൻ സീറ്റുകൾക്കാണ് ചുവപ്പു നിറം നൽകുക.
ഒപ്പം ബാക്ക് റെസ്റ്റ്, ഫ്രെയിം, ഹാൻഡിൽ ബാർ എന്നിവയ്ക്കു ചുവപ്പു നിറം നൽകണമെന്ന് കെഎസ്ആർടിസി മെയിന്റനൻസ് ആൻഡ് വർക്ക് ഡയറക്ടർ നിർദേശം നൽകി.
റിസർവേഷൻ സീറ്റാണോ അല്ലയോ എന്നതിനെച്ചൊല്ലി കണ്ടക്ടറും യാത്രക്കാരും തമ്മിൽ തർക്കമുണ്ടാകാറുണ്ട്. ഇത് ശ്രദ്ധയിൽപ്പെട്ടതിനെത്തുടർന്നാണ് നടപടി. അടുത്തയാഴ്ചയോടെ നടപടികൾ ആരംഭിക്കുമെന്ന് അധികൃതർ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ