കോട്ടയം: പോത്തിനെ വാഹനത്തില്‍ കെട്ടിവലിച്ച് മോഷ്ടാക്കല്‍. കോട്ടയം തീക്കോയി ഒറ്റയിട്ടിയിലാണ് സംഭവം. വഴിയരികില്‍ കെട്ടിയിട്ടിരുന്ന പോത്തിനെ വാഹനത്തില്‍ കെട്ടി വലിച്ച് കൊണ്ടുപോവാനായിരുന്നു ശ്രമം.
വെള്ളാതോട്ടത്തില്‍ ജോജിയുടെ പോത്തിനെയാണ് മോഷ്ടിക്കാന്‍ ശ്രമിച്ചത്. മോഷ്ടാക്കള്‍ പോത്തിനെ വാഹനത്തില്‍ കയറ്റാന്‍ ശ്രമിച്ചു. എന്നാല്‍ അത് സാധിക്കാതെ വന്നതോടെ വാഹനത്തില്‍ കെട്ടി വലിക്കുകയായിരുന്നു.
അര കിലോമീറ്ററോളം പോത്തിനെ വാഹനത്തില്‍ കെട്ടി വലിച്ച് കൊണ്ടുപോയതിന് ശേഷം ഉപേക്ഷിച്ച് സംഘം കടന്നു. പോത്തിന് ഗുരുതര പരിക്കുകളേറ്റിട്ടുണ്ട്. പോത്തിനെ കെട്ടി വലിക്കുന്ന വാഹനത്തിന്റെ ദൃശ്യങ്ങള്‍ സിസിസിടിവിയില്‍ പതിഞ്ഞിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ