ആലപ്പുഴ: ബിഡിജെഎസില് തുഷാര് വെള്ളാപ്പള്ളിക്കെതിരെ രംഗത്തുവന്ന സുഭാഷ് വാസുവിനെ തള്ളി കേന്ദ്രമന്ത്രി വി മുരളീധരന്. തുഷാര് വെള്ളാപ്പള്ളിയുടെ നേതൃത്വത്തിലുള്ള ബിഡിജെഎസാണ് എന്ഡിഎ ഘടകകക്ഷിയെന്ന് മുരളീധരന് പറഞ്ഞു. വെള്ളാപ്പള്ളി നടേശനും തുഷാറിനുമെതിരെ സുഭാഷ് വാസുവിനൊപ്പം രംഗത്തുവന്ന ടിപി സെന്കുമാറിന് എന്ഡിഎയുമായി ബന്ധമൊന്നുമില്ലെന്നും മുരളീധരന് പറഞ്ഞു.
ബിഡിജെഎസിന്റെ നേതൃത്വം സംബന്ധിച്ച് എന്ഡിഎയില് സംശയമില്ലെന്ന് മുരളീധരന് പറഞ്ഞു. സ്പൈസസ് ബോര്ഡ് ചെയര്മാന് സ്ഥാനം ബിഡിജെഎസിനു നല്കിയതാണ്. പാര്ട്ടി കത്തു നല്കിയാല് ചെയര്മാന് സ്ഥാനത്തു നിന്നു സുഭാഷ് വാസുവിനെ മാറ്റുന്ന കാര്യം പരിഗണിക്കേണ്ടി വരും- മുരളീധരന് വ്യക്തമാക്കി. ടിപി സെന്കുമാറിനു എന്ഡിഎയുമായി ബന്ധമില്ലെന്നും മുരളീധരന് മാധ്യമ പ്രവര്ത്തകരോടു പറഞ്ഞു.
എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്റെ വസതിയിലെത്തിയ മുരളീധരന് വെള്ളാപ്പള്ളി നടേശനും തുഷാര് വെള്ളാപ്പള്ളിയുമായി കൂടിക്കാഴ്ച നടത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ