കൊച്ചി: എറണാകുളം മെഡിക്കല്‍ കോളജില്‍ ചികിത്സയിലുള്ള കോവിഡ് ബാധിതന്റെ നില അതീവ ഗുരുതരമെന്ന് മെഡിക്കല്‍ ബുള്ളറ്റിന്‍. എറണാകുളം തോപ്പുംപടി സ്വദേശിയായ 66കാരനാണ് ഗുരുതരാവസ്ഥയിലുള്ളത്. ജൂണ്‍ 28നാണ് ഇദ്ദേഹത്തെ മെഡിക്കല്‍ കോളജില്‍ പ്രവേശിപ്പിച്ചത്.
ദീര്‍ഘനാളായി പ്രമേഹത്തിനു ചികിത്സയില്‍ ആയിരുന്ന ഇദ്ദേഹം കോവിഡ് ബാധിതനാണെന്നും ശ്വാസകോശത്തില്‍ കോവിഡ് ന്യൂമോണിയ സാരമായി ബാധിച്ചിട്ടുള്ളതായും കണ്ടെത്തിയതിന്റെ അടിസ്ഥാനത്തില്‍ ഐസിയുവില്‍ ശ്വസനസഹായിയുടെ സഹായത്തോടെ ചികിത്സയിലാണ്. എന്നാല്‍ കോവിഡ് ന്യൂമോണിയ വ്യാപിക്കുകയും വൃക്കകളുടെ ഉള്‍പ്പടെയുള്ള പ്രവര്‍ത്തനത്തെ ദോഷകരമായി ബാധിക്കുകയും ചെയ്തിട്ടുണ്ടെന്ന് മെഡിക്കല്‍ ബുള്ളറ്റിനില്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ