കോട്ടയം: കട ഉടമ ആവശ്യപ്പെട്ടിട്ടെന്ന് തെറ്റിദ്ധരിപ്പിച്ച് ജീവനക്കാരനിൽ നിന്നും പണം തട്ടി. ജീവനക്കാരന്റെ കയ്യിൽ നിന്നു 4500 രൂപയാണ് തട്ടിയെടുത്തത്. കഞ്ഞിക്കുഴിയിലെ ഒരു റെഡിമെയ്ഡ് കടയിൽ കഴിഞ്ഞ ദിവസമാണ് സംഭവം. കടയുടമയോട്  ഫോണിൽ സംസാരിക്കുന്നതായി ഇയാൾ അഭിനയിച്ചു.  ഇതു വിശ്വസിച്ച ജീവനക്കാർ ഇയാൾ ചോദിച്ച പണം നൽകുകയും ചെയ്തു.

പിന്നീട് കടയുടമ എത്തിയപ്പോഴാണ് തട്ടിപ്പാണ് നടന്നതെന്ന് അറിഞ്ഞത്: ഇയാൾ വന്ന ബൈക്കിന്റെ നമ്പറും സിസി ടിവി ദൃശ്യങ്ങളും അടക്കം പൊലീസിൽ പരാതി നൽകിയിട്ടുണ്ട്. കഞ്ഞിക്കുഴിയിലെ 5 കടകളിൽ കൂടി ഇയാൾ ഇത്തരത്തിൽ പണം തട്ടിയെടുക്കാൻ ശ്രമം നടത്തിയിട്ടുണ്ട്. സംഭവം സംബന്ധിച്ച് അന്വേഷിച്ച് വരികയാണെന്ന് ഈസ്റ്റ് പൊലീസ് അറിയിച്ചു.