കണ്ണൂര്‍: സംസ്ഥാനത്ത് കോവിഡ് നിരീക്ഷണത്തിലിരിക്കേ മരിച്ച ഒരാള്‍ക്ക് കൂടി വൈറസ് ബാധ സ്ഥിരീകരിച്ചു. പാനൂര്‍ കരിയാട് സ്വദേശി സലീഖിന്റെ (24) പരിശോധനാ ഫലമാണ് പുറത്തുവന്നത്. ഇതോടെ സംസ്ഥാനത്തെ കോവിഡ് മരണം 36 ആയി.

ഈ മാസം 13 നാണ് സലീഖ് മരിച്ചത്. തുടര്‍ന്ന് നടത്തിയ പരിശോധനയിലാണ് കോവിഡ് സ്ഥിരീകരിച്ചത്. മേയ് അവസാനത്തോടെയാണ് സലീഖ് നാട്ടില്‍ എത്തിയത്. അഹമ്മദാബാദില്‍ നിന്ന് നാട്ടിലെത്തിയ ഇദ്ദേഹം നിരീക്ഷണത്തിലായിരുന്നു. നിരീക്ഷണ കാലാവധി അവസാനിച്ചതിന് ശേഷമാണ് മരണം സംഭവിച്ചത്. ഉദര രോഗത്തിന് ചികിത്സയിലായിരുന്നു സലീഖ്.