കൊല്ലം: കൊല്ലം ജില്ലയില്‍ ഇന്ന് 106 പേര്‍ക്ക് കോവിഡ് രോഗം സ്ഥിരീകരിച്ചു. വിദേശത്ത് നിന്നും വന്ന 2 പേര്‍ക്കും സമ്പര്‍ക്കം മൂലം 94 പേര്‍ക്കും രോഗം സ്ഥിരീകരിച്ചു. ഉറവിടം വ്യക്തമല്ലാത്ത 9 കേസുകളുണ്ട്. കുലശേഖരപുരം സ്വദേശിനി മരണപ്പെട്ടത് കോവിഡ് രോഗം മൂലമാണെന്ന് ഇന്ന് സ്ഥിരീകരിച്ചു.  ജില്ലയില്‍ ഇന്ന് 31 പേര്‍ രോഗമുക്തി നേടി.

അതേസമയം, ആലപ്പുഴ ജില്ലയില്‍ ഇന്ന് 82 പേര്‍ക്ക് രോഗം സ്ഥിരീകരിച്ചു. 22 പേര്‍ വിദേശത്തുനിന്നും ഒന്‍പത് പേര്‍ മറ്റ് സംസ്ഥാനത്തുനിന്നും എത്തിയതാണ്. മൂന്നുപേര്‍ നൂറനാട് ഐടിബിപി ക്യാമ്പിലെ ഉദ്യോഗസ്ഥരാണ്. മൂന്നുപേര്‍ ആരോഗ്യ പ്രവര്‍ത്തകരാണ്. 43 പേര്‍ക്ക് സമ്പര്‍ക്കത്തിലൂടെ ആണ് രോഗം സ്ഥിരീകരിച്ചത്. ഒരാളുടെ രോഗത്തിന്റെ ഉറവിടം വ്യക്തമല്ല. ഒരു മരണവും റിപ്പോര്‍ട്ട് ചെയ്തിട്ടുണ്ട്.