പാലക്കാട് : അട്ടപ്പാടിയില്‍ വീണ്ടും നവജാത ശിശു മരിച്ചു. മുള്ളി കുട്ടപ്പന്‍ കോളനിയിലാണ് കുട്ടി മരിച്ചത്. 23 ദിവസം പ്രായമുള്ള പെണ്‍കുഞ്ഞാണ് മരിച്ചത്.

കുട്ടപ്പന്‍ കോളനിയില്‍ രജിതയുടെയും രഞ്ജിത്തിന്റെയും കുട്ടിയാണ് മരിച്ചത്. ജനന സമയത്ത് കുട്ടിക്ക് തുക്കക്കുറവുണ്ടായിരുന്നു. 1.60 കിലോയായിരുന്നു കുട്ടിയുടെ ഭാരം.

മറ്റ് ആരോഗ്യ പ്രശ്‌നങ്ങളും കുട്ടിക്ക്  ഉണ്ടായിരുന്നു.  വെന്റിലേറ്ററിലായിരുന്നു കുട്ടിയെന്നാണ് വിവരം.  അട്ടപ്പാടിയില്‍ ഈ വര്‍ഷം മരിക്കുന്ന ആറാമത്തെ നവജാതശിശുവാണിത്.